Proceso de elaboración do material para escenificar os contos elixidos e xustificación matemática do mesmo.
Adriana, Andrea C., Brais, Joel, Mon e Patricia de 1º da ESO B están facendo unha tarta de foam (goma eva) para a súa representación do conto A casa da mosca chosca.
Para explicar ao alumnado de infantil dos nosos coles adscritos o concepto matemático que se traballa nel, a tarta irá cortada en porcións de tamaños proporcionais aos animais protagonistas do conto.
Velaquí o proceso:
Aarón N., Andrea Antón, Clara, e Nerea fan con cartulina de diferentes tamaños os chibos do conto Chibos Chibóns. Para traballar o aumento de medida os chibos mediano e pequeno terán unhas lapelas que abriranse cando se fagan maiores.
Olaia, Pedro, Paula, María, Xosé e Nicolás van
traballar as sombras chinesas e os ritmos musicais apoiándose no conto: Imos
cazar un oso. Para iso elaboraron un teatriño de sombras e servíronse de
instrumentos de percusión para marcar os ritmos musicais: triángulo, xilófono,
maracas, didyeridú (ou pau de chuva) e claves. O tamaño tamén é importante
neste conto e para iso os personaxes elaborados con cartón vanse achegando ou
afastando.
Jennifer, Pablo, Aarón, Tamara e Uxía optaron
por traballar as medidas e para iso elixiron o conto de Unha casa a medida.
Realizaron un medidor xigante elaborado utilizando cartón para xustificar as
diferenzas de tamaño entre unha xirafa e un crocodilo.
Helena, Laura, Nerea, Irene, Ángel e Lara
servíronse dun crebacabezas realizado en poliespan para amosar aos pequenos as
diferentes partes do Grúfalo e as diferenzas de tamaño entre os
protagonistas: o grúfalo e o ratiño. A secuenciación tamén cobra importancia no
conto: o rato vai atopándose co raposo, co moucho, coa serpe e finalmente co
grúfalo.
Ana, Rosalía, Brais, Noa e Uxía quixeron
destacar a importancia dos números (ordinais e cardinais), para iso elixiron o
conto de O rabaño. Crearon as ovellas con cartón e algodón e fixéronas
saltar por un aro-diadema que simboliza o pensamento de Miguel e o esforzo que
realiza contando ovellas para poder durmir.
Antía, Aixa, Elda, Ana, Juan, Ángel, Claudia,
Natalia, Noela e Samuel optaron polo conto titulado Tres osos para pór
en valor a importancia dos tamaños. As cuncas, as cadeiras e as camas van
acordes co tamaño dos seus donos, os tres osos. Construíron, utilizando
cartón, a casa dos tres osos, cos
respectivos andares.
Elena, Nicolás, Adrián, Lydia, Antía, Aida e
Édgar elaboraron un cubo xeométrico para achegar o conto de Elefante
comellón aos máis cativos. Realizaron o cubo en feltro e en cada unha das
seis caras representaron, tamén en feltro, cada un dos animais que participan
no conto acompañados da súa froita preferida. O cubo vai virando a medida que
os animais se van movendo pola selva.
E unha vez realizado o noso material ensaiamos.
Ningún comentario:
Publicar un comentario